To Yeh Hai Virat Kohli Ke fitness Ka Raaz

Bharat ke right handed aggressive batsman , ODI records ke badshah aur bharat ke test captan, Virat  Kohli bohot bade fitness enthusiast hai.

Run machine ke naam se bhi jaane jaane wale virat kohli apne aur apne cricket ke beech kisi bhi prakar ki rukavat ko zayada der tak tikne nhin dete.

Inke roz ke fitness ke tareeke kisi bhi celebrity pe bhari pad sakte hai . Agar aapko aajevan swasth aur fit rehna hai to aapko virat kohli se acha udaharan nhin mil sakta.halaki  IPL season ke pehle 3 match wo nhi khel paae par unki wapsi kisi tufan se kam nhin thi, maidan main unka pradarshan is baat ka saboot tha ki unhone sabhi kathinaiyon ka samna karke apni strength aur flexibility fir se hasil krli hai .

Agar aap bhi jaan na chahte hai ki unhone aisa kaise kiya to aap ko aur zyada intezar na katwate hue chaliye dekhte hai unki exercises aur diet -

1. Cardio aur Strength Training

Hafte mein 5 din roz gym jaana Virat Kohli ka niyam hai. Wo apni exercises mein strength aur cardio dono ka istemal karte hai . Jahai cardio unke stamina badhane mein madad karta hai wahi strength training unki lean muscle ko banae rakhne mein madad krta hai.

Veh weight lifting , stretching, clean presses aur dead lifting se hone wale parinamon pe bohot bharosa karte hai.

Apne ek interview mein Virat Kohli ne kaha tha ki weh zayadatar leg workouts par dhyan dete hai jo ki unhein unke match ke dauran kaafi zayada takat deta hai isiliye unke roz ke workout sessions mein 100 se upar squats hote hai .

2. Woh khae jo aapko pasand hai , jo khae use pasand karein.

Virat ko ghar mein bana khana bohot pasand hai , bahar ke tel masale wala khana unhein kabhi pasand nahi aaya isiliye weh kaafi saaf aur shudh khaana khate hai jo na hi sirf unka pet bharta hai par unke shareer ko swasth rakhne mein bhi madad karta hai. Seafood premi  Virat yeh  maante  hai ki sahi matra mein protein aur omega 3 fatty acids lene se shareer mein mein fat kabhi bhi jamta aur muscles banane mein yeh ahem hissa nibhate hai.

Unke bachpan ke coach Rajkumar Sharma ki mane to Virat ka junoon cricket aur sahi khaane ke liye jo hai use apnana banta hai , kuki unhone apni diet se packaged beverages , carbs , tala hua aur masale daar khaana bilkul nikaal fenka hai. Wo khaane ko sahi matra mein lene aur aasani se pach jaane wale khaane mein vishwas rakhte hai isiliye ghar ka khana unki pehli pasand hai. Iske alawa unhein dry froots , wheat crackers aur black coffee lena pasand hai.

 3. Sahi Training Devices ka istemal

Apne khoe hue stamina aur takat ko paane ke liye , Virat High altitude mask ki madad lete hai jo ki unka workout kaafi acha banata hai , unke lungs ko sahi krta hai aur unhein aur ache se kaam krne mein madad karta hai aur isse unka stamina , taakat aur shakti teenon badhti hai. Unke ek instagram post ke anusar Technoshape naam ke ek fitness Device ka istemal karne se aap apne fatcells ko nishana bana sakte ho , yeh aapke metabolism badhane mein bhi madad karta hai.

4. Sahi matra mein paani peena

Agar apko fit aur swasth shareer chahiye to yeh bohot zaruri hai ki aap sahi matra mein paani piye . Paani peene se aapki immunity badhne ke saath saath apke shareer mein jo toxins hote hai wo bhi shareer se nikal jaate hai, yeh aapke wazan ghatane mein bhi bohot kaam aata hai.

Mineral water sanse sahi upay hai kisi bhi paani se hone vali ya anya kaii bimariyon se ladne ka .

Virat Kohli ki jo ekagrata aur junoon cricket aur swasthya ke liye weh behad sarahaniye hai . Yahi karan hai ki delhi ka yeh punjabi ladka karodon dilon pe raaj karta hai ! Weh cricket ko poojate hai aur hum unki macho man body aur apni tareeke ke ekmatr khiladi ki tareef krte hai . Ab jab weh wapsi karchuke hai taiyar ho jaiye yeh dekhne ke liye weh kaise khelte hai aur apne alochako ka mooh band karte hai .

Sahi matra mein paani peena

Agar apko fit aur swasth shareer chahiye to yeh bohot zaruri hai ki aap sahi matra mein paani piye . Paani peene se aapki immunity badhne ke saath saath apke shareer mein jo toxins hote hai wo bhi shareer se nikal jaate hai.